- Ёксюзню тилеги къабыл болур.
- Джарлыны эшигин махтагъан джабар.
- Махтаннган къыз, тойда джукълар.
- Билмегенинги, билгеннге сор.
- Бет бетге къараса, бет да джерге къарар.
- Ариу сёз – къылычдан джити.
- Азыкълы ат арымаз, къатыны аман джарымаз.
- Юйюнгден чыкъдынг – кюнюнгден чыкъдынг.
- Сабыр джетер муратха, сабырсыз къалыр уятха.
- Тёрдеги кюлсе, эшикдеги ышарыр.
- Элни кючю – эмеген.
- Ач къарным, тынч къулагъым.
- Байлыкъ адамны сокъур этер.
- Тамырсыз терекге таянма – джыгъылырса.
- Татлы тилде – сёз ариу, чемер къолда – иш ариу.
- Таукел тауну аудурур.
- Мухардан ач ычхынмаз.
- Ата Джуртун танымагъан, атасын да танымаз.
- Шайтан алдады, тюзлюк къаргъады.
- Джюрек кёзден алгъа кёрюр.
- Адамны джюреги нени кёрюрге сюйсе, кёзю да аны кёрюрге ёч болады.
- Кесине гебен этелмеген, биреуге черен эте эди.
- Ата Джуртуму башы болмасам да, босагъасында ташы болайым.
- Сормай – алма, чакъырылмай – барма.
- Ата Джуртча джер болмаз, туугъан элча эл болмаз.
- Акъыл аздырмаз, билим тоздурмаз.
- Дуния аламаты сен эсенг да, игиме деб айтма.
- Баланы адам этген анады.
- Адеб базарда сатылмаз.
- Къызын тута билмеген, тул этер, джашын тута билмеген, къул этер.
- Тюзлюк шохлукъну бегитир.
- Джангыз терек къынгыр ёсер.
- Иги болса, тамадама – махтау, аман болса, меннге – айыб.
- Кеси юйюмде мен да ханма.
- Джеринден айырылгъан – джети джылар, джуртундан айырылгъан – ёлгюнчю джылар.
- Ашхы сёз таш тешер.
- Ёлген эшек бёрюден къоркъмайды.
- Эртде тургъан бла эртде юйленнген сокъуранмаз.
- Ётюрюкден тюбю джокъ, кёлтюрюрге джиби джокъ.
- Байлыкъ болгъан джерде, тынчлыкъ джокъду.
- Сагъышы джокъ – джукъучу, акъылы джокъ – къаугъачы.
- Мен да «сен», дейме, сен да «кесим», дейсе.
- Тёзгеннге, джабылгъан эшик ачылыр.
- Ишлегенден, къарагъан уста.
- Кесинге джетмегенни, кёб сёлешме.
- Чомартны къолун джокълукъ байлар.
- Ауругъаннга – кийик саулукъ, джетген къызгъа – чилле джаулукъ.
- Башсыз урчукъ тюзюне айланмаз.
- Тёрени джагъы джокъ.
- Садакъачыны джаны – къапчыгъында.
